-
A historia antiga abrangue desde a aparición dos primeiros documentos escritos ata a desaparición do Imperio Romano de Occidente (ano 476). Inclúe polo tanto as grandes civilizacións fluviais desenvolvidas na India, Exipto, Mesopotamia e China, así como as civilizacións grega e romana. Debido á importancia que tivo a escravitude nalgunhas sociedades da antigüidade, os historiadores marxistas chamárona etapa da escravitude.
-
A idade media esténdese aproximadamente desde a caída do Imperio romano de Occidente (476 d. C.) ata o descubrimento de América en 1492. Nesta fase produciuse unha atomización do poder político e a escravitude foi substituída pola servidume como sistema de explotación do traballo dos campesiños. Divídese en tres períodos básicos: alta idade media (ss. V a X), plena idade media (ss. XI a XIII) e baixa idade media (ss. XIV e XV).
-
A idade moderna esténdese desde o descubrimento de América (1492) ata a revolución francesa (1789). Neste período afirmáronse os estados nacionais. A ampliación dos límites xeográficos permitiu un rápido desenvolvemento do comercio internacional. Durante o s. XVIII, Europa occidental experimentou un claro desenvolvemento económico e o auxe do comercio favoreceu o crecemento da burguesía. Produciuse a revolución científica.
-
Ademáis da revolución industrial, son fenómenos característicos desta fase o movemento obreiro e a aparición do socialismo e do anarquismo, a expansión do imperialismo europeo, a revolución científica e tecnolóxica e a creación dun mundo cada vez máis globalizado.