-
-
Árið 1217 komst konungsdæmið undir stjórn Hákonar Hákonssonar. (Hákon gamli) En var þá aðeins 15 ára gamall. Tvö lönd lutu ekki krúnunni og voru þau Ísland og Grænland.
-
Snemma á 13. öld hafði mestöllu landinu verið skipt upp í valdasvæði 7 héraðshöfðingja.
-
.... einkenndist stjórnmálasaga Íslendinga af þrálátum ófriði. Barist um völd yfir landsvæðum og barátta sumra fyrir því að landið yrði hluti af ríki Noregskonungs. Tímabilið er kallað Sturlungaöld!
-
Árið 1235 sigldi Sturla Sighvatsson frá Noregi til Íslands og hafði þá tekið að sér að ná Íslenskum höfðingjum smám saman á sitt vald og neyða þá til að fara á fund konungs.
-
Árið 1238 réðst Sturla til atlögu við höfðingja Haukdæla í Árnesþingi, Gissur Þorvaldsson og reyndi að neyða hann til Noregs. Gissur vildi það ekki og byrjaði að safna liði og gerði bændalag við Kolbein höfðingja Ásbirninga.
-
Feðgarnir Sturla og Sighvatur söfnuðu um 1.000 manna liði en Gissur og Kolbeinn nær 1.700. Aðfaranótt 21. Ágúst gisti Sturla á Miklabæ en Sighvatur á Sólheimum í Skagafirði. Um morguninn riðu Gissur, Kolbeinn og þeirra lið að Miklabæ. Bardaginn hófst á Örlygsstöðum en var stuttur og Sturla og Sighvatur féllu báðir.
-
Vorið 1239 fór Snorri Sturluson til Íslands í banni konungs.
-
Skúli jarl gaf Snorra jarlsnafn. En uppreisn hans mistókst og var drepinn af mönnum konungs 1240.
-
Konungur bað Gissur hirðmann sinn um að finna Snorra og reka hann til Noregs eða drepa hann ella. Eina nótt í September 1241 fór Gissur með 70 manna lið að Reykholti. Þar fundu þeir Snorra falinn í kjallara í skemmu einni og hjuggu hann án þess að gefa honum tækifæri á að fara til Noregs að beiðni konungs.
-
Árið 1242 kom Þórður Sighvatsson til Íslands. Hann var kallaður Þórður Kakali og átti um árabil í erjum við sigurvegarana frá Örlygsstöðum.
-
Sumarið 1244 á Húnaflóa átti Þórður sjóorustu við Kolbein unga sem varð sú mesta sjóorusta sem Íslendingar hafa háð.
Hún er kölluð Flóabardagi en henni lauk með því að Kolbeinn hrakti Þórð á flótta vestur á Strandir aftur. -
Í Apríl 1246 háði Þórður Kakali mannskæðasta bardaga Íslandssögunnar við Brand Kolbeinsson frænda Kolbeins unga og arftaka í Skagafirði. Bardaginn fór fram í Haugsnesi í Skagafirði, þar féllu um hundrað manns og hafði Þórður þá betur.
-
Á árunum 1247 - 1250 var Þórður einráður á Íslandi. En hann reyndi ekkert til að fá landsmenn til að játast undir vald konungs, svo að konungur kallaði hann til Noregs árið 1250.
-
Gissur Þorvaldsson kemur til Íslands árið 1252 og átti á næstu árum í erjum við fylgismenn Þórðar Kakala.
-
Árið 1253 reyndu fylgismenn Þórðar að brenna Gissur inni á Flugumýri í Skagafirði, en hann hafði þá flust þangað norður. Í brennunni missti Gissur konu sína og þrjá syni, en sjálfur bjargaði hann lífi sínu með því að skríða niður í sýruker í búri.
-
Árið 1256 lést Þórður Kakali í Noregi.
-
Árið 1258 var Gissur Þorvaldsson í Noregi. Þar gaf konungur honum jarlsnafn og sendi hann til Íslands til að gera enn eina tilraun til að vinna landið undir sig. Gissur fór heim um sumarið, stofnaði bú í Kaldaðarnesi í Flóa og kom sér upp hirð. Á allraheilagramessu um veturinn (1. Nóvember) gerðust 30 menn handgengnir honum, ýmist með titlinum hirðmenn eða gestir.
-
Það gekk lítið að fá Íslendinga til að viðurkenna Noregskonung sem þjóðhöfðingja sinn. En það gerðu Grænlendingar sumarið 1261.
-
Árið 1261 sendir Hákon konungur Hallvarð gullskó til að reka á eftir Gissuri.
-
Um sumarið 1262, sóttu Alþingi aðeins menn úr Norðlendingafjórðungi og Sunnlendingafjórðungi fyrir vestan Þjórsá. Það hafa verið þeir hlutar landsins sem Gissur hafði raunveruleg völd yfir.
-
Borgfirðingar sóru konungi hollustu og þannig komst stærstur hluti landsins, frá Langanesi, norður, vestur og suður um til Þjórsár, undir vald konungs árið 1262.
-
Á árunum 1262 til 1264 gerist Ísland skattland konungs.
-
Árið 1263 játast Oddverjar undir konungsvald í Rangárþingi.
-
Árið 1264 fer Þorvarður Þórarinsson sem var Héraðshöfðingi Austfirðinga til Noregs og gaf konungi upp ríki sitt.
-
Á Alþingi árið 1264 sór Ormur Ormsson konungi skatt fyrir ríki Svínfellinga í Skaftafellsþingi. Þá var allt Ísland komið undir vald konungs og íslenska þjóðveldið liðið undir lok.
