-
En San Petersburgo, o domingo 9 de xaneiro, unha manifestación pacífica dirixiuse cara ao palacio de inverno para presentar ao
tsar unha serie de peticións sociais, laborais e políticas. A manifestación, por orde
do tsar, foi duramente reprimida polo exército causando un número elevado de mortos. Foi o
Domingo vermello ou sanguento. Esta revolución fracasou, pero pode considerarse como un ensaio da Revolución de
1917. -
En 1917 triunfou en Rusia a Revolución soviética, un dos acontecementos contemporáneos de
maior transcendencia polas súas fondas repercusións, non só pola transformación dun país
atrasado nunha potencia mundial, senón porque se converteu en modelo alternativo a seguir
por outros países. -
A miseria e o desabastecemento fixeron que o 23 de febreiro de 1917 a
poboación de Petrogrado (San Petersburgo) protestara pola falta de pan. Foi o inicio da
Revolución. As folgas e as manifestacións estendéronse polo que o tsar, Nicolás II, quedouse sen apoios, abdicou e proclamouse a República.
Estableceuse un goberno provisional, presidido polo príncipe Lvov, apoiado polos liberais, os oficiais do exército e o soviet de Petrogrado. -
O Goberno provisional decidiu convocar unha Duma para
elaborar unha Constitución, conceder unha amnistía e continuar a guerra.
Establecido un réxime democrático e parlamentario, nos meses seguintes, o Goberno
provisional foi incapaz de estabilizar a situación. Mentres a autoridade do Goberno provisional se deterioraba cada día máis, a
influencia dos bolxeviques era
cada vez maior. Kerenski convértese no novo presidente(sucedendo a Lvov) do Goberno provisional co
apoio de eseristas e menxeviques. -
En outubro de 1917, Lenin e o Comité central do
partido bolxevique, acordan iniciar a insurrección armada. Na noite do 24 ao 25 de outubro, a garda vermella toma Petrogrado. O día 26 os gardas vermellos asaltaron o palacio de inverno e detiveron os membros do Goberno Provisional, agás a Kerenski que fuxiu. A caída do Goberno provisional daba paso ao poder dos soviets. Creouse un novo Goberno, o Consello de
Comisarios do Pobo, presidido por Lenin xunto con Troski e Stalin -
As medidas tomadas polos bolxeviques acrecentaron o número de opositores ao novo réxime.
O conxunto de forzas da oposición organizaron o
Exército Branco contra os bolxevique, iniciándose a guerra civil en 1918.
A organización por Trotski dun exército revolucionario fortemente disciplinado permitiu ao Goberno bolxevique lograr a vitoria en 1921.
Ambos bandos desenvolveron unha política de terror e represión sobre os seus contrarios, os
bolxeviques executaron aos membros da familia imperial. -
En 1919 fundouse en Moscova a Terceira Internacional. O seu obxectivo fundamental era o derrocamento definitivo do capitalismo no
mundo e estender a revolución comunista polo resto do mundo. Durante a celebración do seu
II Congreso, en 1920, establecéronse as 21 condicións esixibles para o ingreso na mesma de
partidos ou asociacións obreiras.
Desde ese momento o socialismo mundial dividiuse en: partidos socialistas e partidos comunistas. -
Para evitar o descontento popular e a propagación das insurreccións, o Goberno de Lenin
adoptou unha serie de medidas que se coñecen como a NEP.
Esta nova política supoñía un retorno parcial a unha economía de mercado. Admitiuse a
propiedade privada no campo, pequenas industrias e comercios. Restableceuse a economía
monetaria. No campo, desaparecían as requisas obrigatorias. Pero o Estado
conservaba o control dos sectores clave, bancos, industria pesada, transportes e comercio exterior. -
En decembro de 1922 as repúblicas soviéticas de Rusia, Bielorrusia, Ucraína e de Transcaucasia
(formada por Armenia, Xeorxia e Acerbaixán) uníronse formando a Unión de Repúblicas
Socialistas Soviéticas (URSS). -
Stalin foi eliminando a todos os seus adversarios e concentrando todo o poder nas súas mans. Desde 1927 dirixiu ditatorialmente a URSS
ata a súa morte en 1953. Stalin gozou dun culto case sagrado na URSS durante o mandato do
primeiro. Considerábase
infalible e cun poder absoluto.
Goberno de Stalin mantivo unha férrea censura, controlou a educación e a cultura, manipulou
a información e empregou a propaganda.
Para evitar as disidencias e consolidar o seu poder, Stalin empregou o terror.