-
-
補選官方網站
坪洲補選官方網站 -
中環出更：林偉強唔參加坪洲補選 - 東方日報 離島區議會坪洲及喜靈洲選區議員安慶英本月中因病辭世，按照現行法例，政府會於六個月內因議席懸空，舉行補選。咁啱我哋日前接到有市民報稱，指早前因坪洲鄉事委員會修章而被踢出鄉委會嘅鄉議局副主席林偉強，意圖借殼翻生，參加今次坪洲補選，循呢個途徑返鄉委會喎。不過，林偉強尋日被問到參選一事時，就誓神劈願咁話絕對無意參加今次補選，莫非佢另有打算？ 林偉強仲話，平日鄉議局及其餘民生工作已經要用好多時間處理，加埋佢有啲商務要做，所以唔會參選喎。 「好多嘢忙緊」 其實林偉強本身係坪洲人，又曾經擔任坪洲鄉委會主席，無端端被踢出局，大家梗係估佢會唔會計劃起死回生啦，點知佢話唔選。咁又係嘅，如果鄉議局副主席都選輸嘅話，好難面對啲鄉親父老嘛。所以林偉強今次唔選，究竟係驚輸議席輸埋面子，抑或真係忙到選唔到呢？咁就佢自己先至知道喇！
卓妮 -
-
公佈提名期、投票日刊憲 Notice - The date of Nomination Period & Polling (Gazette) 離島區議會補選提名期七月二十五日展開 - 政府新聞公報 Islands District Council by-election nomination period to start on July 25 - Press Release HK Gov't 提名期 Nomination Period：7.25－8.7
投票日 Polling：9.7 (SUN) -
政情：坪洲補選 鄉事派又內訌 - 東方日報 泛民喺最近兩場區議會補選接連獲勝，喺九月七日舉行離島區議會坪洲及喜靈洲選區補選，據聞泛民亦會派人參選，而且仲遇上鄉事派內訌添。不過有地區人士指出，坪洲同喜靈洲基本上係鄉事派嘅天下，即使出現內訌，泛民漁人得利嘅機會仍係微乎其微。 地區消息指出，據聞今次坪洲及喜靈洲補選最少有三人參戰，三位都係坪洲人，包括來自現任坪洲鄉事委員會主席黃漢權陣營嘅鄉委會委員曾秀好、屬於前鄉委會主席兼現任鄉議局副主席林偉強陣營嘅人選，以及民主黨成員陳智連。 泛民料陪跑居多 翻查一一年選舉結果，亦係同一格局，屬黃漢權陣營嘅已故原當區區議員安慶英，當年以一千一百七十七票當選，被指係林偉強陣營嘅馬鎮添取得八百六十五票，陳智連就只得四百零七票。再參考一○年嘅坪洲鄉委會街坊代表選舉結果，當時曾秀好以九百四十票高票當選，因此今次補選亦以曾秀好被看高一線，泛民估計只能繼續陪跑。
-
-
-
-
-
-