-
Boyer e Cohen desenvolveron unha técnica para cortar e unir ADN usando encimas de restrición e ligases, o que permite combinar ADN de diferentes organismos. Así, inseriron un xene de resistencia a antibióticos nun plásmido bacteriano e introducírono en bacterias de E. coli, demostrando que o ADN inserido podía expresarse e replicarse nun novo organismo. -
Jaenisch, no Instituto de Tecnoloxía de Massachusetts (MIT), creou o primeiro rato transxénico, demostrando a viabilidade de introducir ADN externo en animais. -
Esta conferencia reuniu científicos, xuristas e expertos en ética para abordar os riscos da investigación en ADN recombinante. Liderada por figuras como Boyer e Berg, foi a primeira iniciativa científica para establecer directrices de seguridade, promovendo un desenvolvemento regulado e ético da enxeñaría xenética, e sentando un precedente global para a autorregulación da ciencia e a xestión dos dilemas éticos asociados ás tecnoloxías emerxentes. -
A empresa Genentech, en San Francisco, California, conseguiu que bacterias Escherichia coli producisen insulina humana, marcando un fito na biotecnoloxía farmacéutica. -
Desenvolvida por Kary Mullis, a PCR permite amplificar segmentos específicos de ADN de forma rápida e eficiente. Este avance revolucionou a bioloxía molecular, facilitando a clonación de xenes, a secuenciación de ADN e a diagnose de enfermidades xenéticas. Mullis recibiu o Premio Nobel de Química en 1993 por este descubrimento. -
Desenvolvido pola empresa Calgene en Davis, California, o tomate Flavr Savr foi o primeiro alimento transxénico aprobado para consumo nos Estados Unidos. Hoxe en día empréganse numerosos vexetais transxénicos, como a soia, o millo e o algodón. -
Un consorcio internacional de científicos completou a secuenciación do xenoma humano, proporcionando un mapa completo do ADN humano e posibilitando novas dianas de intervención biotecnolóxica, abrindo a porta á medicina personalizada. -
Charpentier e Doudna, traballando en Europa e EUA respectivamente, desenvolveron unha ferramenta de edición xenética baseada en compoñentes nun sistema bacteriano de defensa, cunha precisión e eficiencia sen precedentes, que revolucionou todos os eidos da enxeñaría xenética, biotecnoloxía e bioloxía sintética. -
O científico chinés He Jiankui anunciou o nacemento de xemelgas cuxos xenes foron editados utilizando a técnica CRISPR-Cas9 para conferir resistencia ao VIH. Este feito xerou unha intensa controversia ética e científica a nivel mundial, levando a debates sobre a regulación e os límites da edición xenética en humanos.