-
Hasieran, Grezian, monarkia ezarrita zegoen, monarkian erregeek eta erreginek agintzen zuten botere absolutoa izanez. -
Lur-jabe handiek boterea kendu zioten erregeari eta egitura oligarkikoa ezarri zuten. Oligarkiarekin, boterea esku gutxi batzuetan zegoen, pertsona edo familia jakinetan. -
Tiranoen aginte-modua zabaldu zen; Tirano hauek bere interesen aldeko legeak idatzi zituzten. Legeak erabiliz herritarrak menperatzen zituzten. -
Solon estatu-gizona politikan erreforma garrantzitsuak egiten hasi zen. Adibidez: Herritarren batzarra sortu zuen. Batzarrean parte hartzeko hiriko aberatsen artean zozketa egiten zen. Batzarrean hiriari buruzko gaiak jorratzen ziren.
Herri-epaimahai bat sortu zuen, herriaren eskubideak errespetatuak izateko. Demokraziaranzko lehen pausoak izan ziren. -
Klistenesek Atenaseko politikan aldaketa sakonak egin zituen, Solonen erreformetan oinarrituta: Gizonezko libre guztiei eman zitzaien hiriaren agintean parte hartzeko eskubidea.
Gizonezko libreak legeen alde edo aurka botoa ematen hasi ziren. Hau demokraziaren hasiera izan zen. -
Periklesek estratega (armadako komandantea) kargu garrantzitsua lortu zuen. Perikles izan zen lider demokratiko ezagunenetakoa. Atenasen denbora luzean eragin zuen bizitza politikoa. Honako hauek dira berak egindako aldaketa batzuk: Aristokratei boterea murriztu zien.
Aberastasun gutxi zuten herritarrentzat ordainsari bat ezarri zuen.
Aginte-postuak gizonezko libre guztiek betetzen zituzten txandaka. -
Atenaseko demokraziak mende bakarra iraun zuen. Atenasek Espartaren aurkako gerra galdu zuen eta k.a. 411. urtean, Atenasen egitura oligarkikoa ezarri zen berriro. -
Demokrazia berreskuratu zuten, baina, k.a. 346. urtean, Mazedoniako errege Filipo II.ak Grezia konkistatu zuen. -
Bere semeak, Alexandro Handia, inperio handi bat sortu zuen.