2008 - რუსეთ-საქართველოს ომის ქრონიკა

Timeline created by lali30
  • Period: to

    1 აგვისტო -გამთენიისას ცხინვალის რეგიონში ერედვი-ხეითის შემოვლით გზაზე, ინტენსიური სროლები დაიწყო საქართველოს თავდაცვის ქვედანაყოფებსა და სამხრეთ ოსეთის შეიარაღებულ ძალებს შორის, რის შედეგადაც ექვსი დაიღუპა, ხოლო 21 ადამიანი დაიჭრა

    2 აგვისტო - ოსი სეპარატისტები ქართულ სოფლებს მთელი ღამე ცხრილავენ. არის მსხვერპლი. საქართველოს ხელისუფლება ოს სეპარატისტებს ცეცხლის დაუყონებლივ შეწყვეტისკენ მოუწოდებს. სეპარატისტები ცხინვალიდან ჩრდილოეთ ოსეთიში ქალებისა და ბავშვების ევაკუაციას იწყებენ.
    სახელმწიფო მინისტრი რეინტეგრაციის საკითხებში თემურ იაკობაშვილი რუსეთის სამშვიდობო ძალების ხელმძღვანელს მარად კულახმეტოვს ხვდება. იაკობაშვილი ოს სეპარატისტებთან შეხვედრას ითხოვს, მაგრამ უარს იღებს
  • Period: to

    2 აგვისტო - კომენტარები

    • რუსეთის საჰაერო-სადესანტო ძალების მეთაურმა ვალერი ევტუხოვიჩმა განაცხადა, რომ „რუსეთი არ დაუშვებს სამხრეთ ოსეთის ტერიტორიაზე მცხოვრები თავისი მოქალაქეების წყენინებას“;
    • ედუარდ კოკოითიმ, განაცხადა, რომ საქართველოს წინააღმდეგ ბრძოლაში შესაძლოა „ჩრდილოკავკასიელი მოხალისეები“ (ანუ რუსეთი) ჩაერთონ;
    • ჩრდილოეთ ოსეთის (რუსეთი) მეთაურმა, თეიმურაზ მამსუროვმა, ედუარდ კოკოითის საქართველოს მხრიდან ”აგრესიის მოგერიებაში” დახმარება აღუთქვა;
  • Period: to

    3 აგვისტო - ცხინვალმა ადგილობრივი ქალებისა და ბავშვების ჩრდ.ოსეთში ევაკუაციის შესახებ განაცხადა • რუსეთის მედიაში გაჩაღდა პროპაგანდა საქართველოს წინააღმდეგ; • სამხრეთ ოსეთის მედია საშუალებებმა გადმოსცეს მოხალისეების მობილიზაცის შესახებ ჩრდილოეთ კავკასიაში

    • საქართველოს დაზვერვა იტყობინებოდა, რომ როკის გვირაბის გავლით, ჯავის რაიონში, რუსეთის 58-ე არმიის მე-19 მოტომსროლელი დივიზიის ცალკეული სადაზვერვო ბატალიონის ელემენტები განალაგეს;
    რუსეთის მთავრობამ საშუალება მისცა სამხრეთ ოსეთის მოსახლეობას რუსეთში გახიზნულიყო. ამავე დღეს რეგიონს ლტოლვილებით დატვირთული 20 ავტობუსი ტოვებს.
  • Period: to

    საქართველო მოლაპარაკებებისათვის ყოველგვარი წინაპირობის გარეშე მზად არის

    რუსეთის საგარეო საქმეთა მინისტრი სერგეი ლავროვი საქართველოს კათოლიკოს პატრიარქს ილია II-ს მფარველი ანგელოზის დღეს ულოცავს. მისალოცი ბარათი მის უწმინდესობასთან საქართველოში რუსეთის ელჩს ვიაჩესლავ კოვალენკოს მიაქვს.
    ვლადიკავკაზში ე. წ. სამხრეთ ოსეთის მხარდამჭერი მიტინგი იმართება. ამ დღეს აფხაზი სეპარატისტები იღებენ გადაწყვეტილებას სექტემბრიდან გალში ქართულ ენაზე სწავლების აკრძალვის შესახებ. სერგეი ბაღაფში საგანგებო მდგომარეობას აცხადებს და ენგურის ხიდს კეტავს
  • Period: to

    4 აგვისტო - რუსეთის 58-ე არმიის ხუთი ბატალიონი ჩრდილოეთ ოსეთის მხარეს როკის გვირაბის სიახლოვეს განახლდა. აფხაზები გაეროს გენერალური მდივნის მეგობარი ქვეყნების ჯგუფის შეხვედრაში მონაწილეობაზე უარს აცხადებენ. შეხვედრა 15 აგვისტოს ბერლინში უნდა გამართულიყო

    ოს სეპარატისტთა ლიდერი, კოკოითი აცხადებს, რომ "რუსეთის გარეშე საქართველოსთან მოლაპარაკებას არ დაიწყებს". სეპარატისტთა ე.წ. შს მინისტრი მინძაევი აცხადებს, რომ ცხინვალი ცეცხლის გახსნისთვის მზადაა. საქართველოს ხელისუფლების პოზიციას სახელმწიფო მინისტრი იაკობაშვილი ახმოვანებს: "საქართველო საბრძოლო მოქმედებებში ჩართვას არ აპირებს" და ოსურ მხარეს კვლავ მოლაპარაკებებისკენ მოუწოდებს. შეთავაზება კვლავ უპასუხოდ რჩება. ქართულ-ოსური კონფლიქტის ზონაში მდგარი რუსული ბატალიონი საგანგებო მდგომარეობაზე გადადის
  • Period: to

    კოკოითი ცხინვალიდან აცხადებს, რომ საქართველოს გასანადგურებლად მზადაა, რომ მის დასახმარებლად ცხინვალში ჩრდილოეთ ოსეთიდან (რუსეთიდან) 300 მოხალისე უკვე ჩავიდა და რომ სულ 2000 მოხალისეს ელის

    • რუსი კაზაკების ლიდერმა და რუსეთის სახელმწიფო დუმის წევრმა, ვიქტორ ვოდოლაცკიმ, ედუარდ კოკოითის გაუგზავნა წერილი, რომელშიც ადასტურებდა კაზაკების მზადყოფნას „პირველი მოწოდებისთანავე აღმოუჩინონ დახმარება სამხრეთ ოსეთს სახელმწიფო ინტერესების დაცვაში“
    ოსმა სეპარატისტებმა ქართული სოფლების დაცხრილვა განაახლეს
  • Period: to

    5-6 აგვისტო - აფხაზი სეპარატისტები მეორე ფრონტის გახსნაზე იწყებენ საუბარს. რუსეთის სამხრეთ ნაწილიდან ცხინვალისკენ მოხალისეთა ნაკადი მიედინება. სხვადასხვა ქვეყნის საგარეო საქმეთა სამინისტროები კონფლიქტის მშვიდობიანი დარეგულირებისკენ მოუწოდებენ

    6 აგვისტო- ქართული სოფლები კვლავ იცხრილება. ქართველებმა ჯავშანტრანსპორტიორი დაკარგეს, სამი ქართველი სამშვიდობო ჯარისკაცი დაიჭრა. იმავე ღამეს სროლებმა ოთხი ადამიანი იმსხვერპლა, ამიტომ ქართულმა მხარემ სროლები განაახლა.ცხინვალში ჩადის დიდი ბრიტანეთის საგანგებო და სრუფუფლებიანი ელჩი დენის კიფი. ცხინვალიდან გახიზვნას იწყებენ.ქართულმა მხარემ ტანკები, არტილერია და ჯარები რეგიონის საზღვართან მიიყვანა.სოფლები _ ნული და ავნევი _ ოსი სეპარატისტების შეიარაღებულმა ფორმირებებმა დაბომბეს. არის მსხვერპლი.
  • Period: to

    რუსეთის საგარეო საქმეთა სამინისტროში საგანგებო თათბირი იმართება. მოსკოვი იური პოპოვს 6 აგვისტოს ღამით თბილისში "საქმის ვითარებაში გასარკვევად აგზავნის". პოპოვი აცხადებს, რომ იაკობაშვილისა და ჩოჩიევის შეხვედრა რუსული მხარის ხელშეწყობით გაიმართება

    პოპოვი აცხადებს, რომ "ცხინვალის რეგიონში მოვლენათა ძალისმიერი გზით განვითარების შემთხვევაში რუსეთი განზე ვერ დარჩება". ოსი სეპარატისტები 7 აგვისტოს ცხინვალში დაგეგმილი შეხვედრის ვადას სწევენ და ქართულ მხარეს 9 აგვისტოს სთავაზობენ.
    იაკობაშვილი, ამავე დღეს, რუსთავი 2-ის ეთერში, გადაცემაში „სამკუთხედი“, საოცარი თავდაჯერებით საუბრობს 40 წუთის განმავლობაში და ჟურნალისტის კითხვაზე, რომ ოსები დანარჩენი საქართველოს დაბომბვით იმუქრებიან, პასუხობს: „თუ უნდათ, წყალქვეშა ნავებიც შემოიყვანონ“
  • Period: to

    7 აგვისტო - თავდასხმებმა ქართულ სოფლებზე უფრო მწვავე ხასიათი მიიღო. სეპარატისტები განუწყვეტლად ბომბავენ ქართულ სოფლებს ერედვის, ფრისს, ავნევს, დვანსა და ნულს, ფრონეს ხეობას. ღამით გახსნილი ცეცხლის საპასუხოდ ქართულ მხარეს ცეცხლი არ გაუხსნია

    მას შემდეგ რაც სეპარატისტებმა ცეცხლი მსხვილკალიბრიანი _ 12-მილიმეტრიანი ქვემეხიდან გახსნეს, ცეცხლი ქართულმა მხარემაც გახსნა. ქართული მხარე აცხადებს, რომ „არა აქვს დაგეგმილი კონფლიქტის ზონაში საგანგებო ზომების მიღება და დიალოგისათვის მზად არის ".
    საქართველოს პრეზიდენტი საგანგებო განცხადებით გამოდის - "ქართული მხარე მაქსიმალური თავშეკავების გამოჩენისათვის მზადაა". საქართველოს საგარეო უწყება მოუწოდებს რუსეთს გამოიყენოს თავისი ზეგავლენა სეპარატისტებზე და მშვიდობიანი მოსახლეობის დაბომბვა აღკვეთოს
  • Period: to

    ბაღაფში ე.წ. უშიშროების საბჭოს საგანგებო სხდომას იწვევს. სხდომა დახურულია. იური პოპოვმა და თემურ იაკობაშვილმა ცხინვალში შეხვედრის გამართვის შესახებ შეთანხმება ვერ შეძლეს. იაკობაშვილი კონფლიქტის ზონაში მიემგზავრება. კონფლიქტის ზონაში გაემგზავრა პოპოვიც

    ოსი სეპარატისტების მიერ ქართული საგუშაგოებისა და მშვიდობიანი მოსახლეობის დაცხრილვა გრძელდება. იცხრილება პატარა ლიახვის ხეობა. სეპარატისტებმა სარაბუკის სიმაღლის დაკავება სცადეს უშედეგოდ. იაკობაშვილი კულახმეტოვს, ცხინვალში სამშვიდობოთა შტაბში შეხვდა და თბილისში დაბრუნდა. იაკობაშვილისა და კულახმეტოვის შეხვედრის დეტალები არ ხმაურდება. 7 აგვისტოსთვის საქართველოს შინაგან საქმეთა სამინისტროს განცხადებით ათი ჯარისკაცი დაიღუპა. პრეზიდენტის ბრძანებით ქართულმა მხარემ ცალმხრივი სროლის შეწყვეტა გამოაცხადა
  • Period: to

    სააკაშვილის სატელევიზიო გამოსვლა 19:10: "კონფლიქტის ზონაში სნაიპერული ომი მიმდინარეობს მოსახლეობის წინააღმდეგ და ინტენსიური სროლებია არტილერიიდან, ტანკებიდან და ხელსატყორცნი არტილერიული სისტემებიდან, რომლებიც კონფლიქტის ზონაში არალეგალურადა შემოტანილი"

    სააკაშვილმა მოუწოდა მხარეებს მოლაპარაკებებისკენ „ნებისმიერ ფორმატში" და პირობა სამხრეთ ოსეთის სრულ ავტონომიაზე ძალაში დატოვა, ასევე საყოველთაო ამნისტია გამოაცხადა სეპარატისებისთვის.საერთაშორისო თანამეგორბობას მოუწოდა შუამდგომლობა გაეწია.
    სააკაშვილი საერთაშორისო თანამეგობრობას ძალადობის შეჩერებასა და მოლაპარაკებებში დახმარებას სთხოვს. სააკაშვილმა პირდაპირი ეთერით რუსეთის ფედერაციას კიდევ ერთხელ შესთავაზა შუამავლის როლი კონფლიქტების მოგვარების საკითხში. ოსურმა მხარემ ცეცხლი შეწყვიტა
  • Period: to

    იური პოპოვი აცხადებს, რომ 8 აგვიტოს თემურ იაკობაშვილისა და ბორის ჩოჩიევის შეხვედრა გაიმართება. მარატ კულახმეტოვი აცხადებს, რომ - "თბილისი და ცხინვალი ორმხრივ შეხვედრამდე ცეცხლის შეწყვეტის შესახებ შეთანხმდნენ"

    სააკაშვილი ცხინვალში შექმნილ ვითარებასთან დაკავშირებით საზღვარგარეთის ქვეყნების ლიდერებთან სატელეფონო დიალოგს იწყებს.
    საღამოს ოსურმა მხარემ ცეცხლის შეწყვეტის შესახებ შეთანხმება დაარღვია. შეტევა დაიწყო სოფელ თამარაშენზე. არის მსხვერპლი.
    23:30 - ქართულმა მხარემ საპასუხო სამხედრო ოპერაცია დაიწყო, რომლის მიზანი სარდალ ყურაშვილის განცხადებით, რეგიონში „კონსტიტუციური წესრიგის" დამყარება იყო. ქართული მხარის საბრძოლო მოქდებებების დაწყებამდე 58-ე არმია როკის გვირაბით სამხრეთ ოსეთის ტერიტორიაზე შემოვიდა
  • Period: to

    8 აგვისტო - ოსური მხრიდან ცეცხლი არ წყდება. ბომბავენ მშვიდობიან მოსახლეობას. არის მსხვერპლი. პუტინმა, რომელიც პეკინის ოლიმპიური თამაშების გახსნაზე იმყოფებოდა, დაგმო საქართველოს „აგრესიული ქმედებები" და თქვა, რომ რუსეთი ამ ქმედებებს უპასუხოდ არ დატოვებდა

    09:30 - მედვედევმა სასწრაფო შეხვედრა გამართა მთავრობის წევრებთან, რუსეთის შესაძლო მოქმედების გეგმის შესამუშავებლად.
    როკის გვირაბის გავლით შემოსული ასობით შეიარაღებული პირი და სამხედრო ტექნიკა საქართველოს ტერიტორიაზე იმყოფება. საქართველოს მთავრობა მოუწოდებს სეპარატისტებს შეწყვიტონ შეიარაღებული მოქმედებები.
    11:40 - სააკაშვილის ბრძანებით ქართული სარეზერვო ჯარების მობილილზაცია გამოცხადა. მთავრობა: "შექმნილ ვითარებასთან დაკავშირებით, საქართველოს ხელისუფლება იძულებულია ადეკვატური ზომები მიიღოს"
  • Period: to

    ქართულმა ქვედანაყოფებმა ორი სოფელი მუგუთი, დიდმუხა, დმენისი დაიკავეს და ცხინვალის მისადგომებთან იმყოფებიან. პირველი განცხადება ვაშინგტონიდან

    აშშ-ის სახ.დეპ-ის ოფიციალურმა წარმომადგენელი გონსალო გალეგოსი აცხადებს, რომ ვაშინგტონი მოუწოდებს რუსეთს - "გავლენა მოახდინოს სეპარატისტებზე რათა სროლები შეწყდეს".
    ინტენსიური ბრძოლები სოფელ ტყვიავში მიმდინარეობს. ქართული მხარე მზად არის მოლაპარაკებათა მაგიდას კვლავ დაუბრუნდეს.
    საქართველოს სახედრო შენაერთები კონფლიქტის ზონის რვა ქართულ სოფელს - დმენისს, მუგუთს, დიდმუხას, სარაბუკს, ზემო ნიქოზს, ატოცსა და ქვემო და ზემო ოქონას სრულად აკონტოლებენ
  • Period: to

    ცხინვალის მისადგომებთან არსებულ თითქმის ყველა სტრატეგიულ სიმაღლესა და სოფელში ქართული დროშა ფრიალებს. ქართული ქვედანაყოფები ქალაქ ცხინვალში შევიდნენ. კოკოითი ჯავის რაიონში, საგანგებო შტაბში იმყოფება. რუსული ავიაცია ქართული ქალაქების დაბომბვას იწყებს

    საქართველოს საელჩოს შენობას მოსკოვში ე.წ. ომონი ალყაში აქცევს. საელჩო მუშაობას აგრძელებს. საქართველოს შეიარაღებულმა ძალებმა შეძლეს უკან დაეწიათ რუსეთის 58-ე არმიის ნაწილები, რომლებსაც როკის გვირაბიდან ჯავის რაიონში გადაადგილების მცდელობა ჰქონდათ.
    ქართულებს 10 დაქირავებული მებრძოლი ჩაბარდა. ქართული მხარე რეგიონის 70% აკონტროლებს.
    საქართველოს ხელისუფლება 15:00-დან 18:00 საათამდე სროლაზე მორატორიუმს აცხადებს და ერგნეთში გაკეთებული დერეფნით მშვიდობიან მოსახლეობას უსაფრთხოების გარანტიებს სთავაზობს
  • Period: to

    რუსულმა საბრძოლო თვითმფრინავმა ვაზიანის სამხედრო ბაზაზე ორი ბომბი ჩამოაგდო. რუსულმა სამხედრო თვითმფრინავმა მარნეულის სამხედრო აეროდრომი და ვაზიანის სამხედრო ბაზა დაბომბა. რუსეთის 58-ე არმიის დანაყოფები ცხინვალის მისადგომებთან იმყოფებიან

    სააკაშვილი, ვითარებას მსოფლიო ლიდერებს აცნობს. პარლამენტი მუშაობის საგანგებო რეჟიმზე გადადის. ქართული მხარე მკაცრად იცავს მორატორიუმის პირობებს და ცეცხლის არ ხსნის.რუსეთის ტრანსპორტის სამინისტრო 00:00 საათიდან, საქართველოსთან საჰაერო მიმოსვლას წყვეტს.
    რუსებმა სამჯერ დაბომბეს მარნეულის საავიაციო ბაზა. არის მსხვერპლი. საქართველოს მხარდამჭერ განცხადებებს აკეთებს მსოფლიოს თითქმის ყველა ქვეყნის პრეზიდენტი და საერთაშოროსო ორგანიზაცია.
    რუსეთის ტექნიკა ჯავაში განლაგდა და ალყის გარღვევას ცდილობენ.
  • Period: to

    9 აგვისტო - რუსებმა სენაკის სამხედრო ბაზა და ფოთის პორტი დაბომბეს, არის მსხვერპლი. დაიღუპა 13 ქართველი ჯარისკაცი და ათზე მეტი დაიჭრა. ორმა რუსულმა მოიერიშემ გორთან ქართული არტილერიის პოზიციები დაბომბა. ხუთი ადამიანი დაიღუპა. გორში ბომბი მოხვდა კორპუსს

    დაიღუპა, ქალაქ გორში ბომბი საცხოვრებელ კორპუსს მოხვდა.
    რუსეთის საჰაერო ძალების ფსკოვის 76-ე საჰაერო დივიზია ცხინვალში შევიდა.
    ქართული მხარის განცხადებით, ჩამოგდებულია 10 რუსული მოიერიშე თვითმფრინავი.
    11:10 - საქართველოს პრეზიდენტმა ქვეყანაში საომარი მდგომარეობა გამოაცხადა. საქართველოს პარლამენტმა 90 ხმით 0-ის წინააღმდეგ ერთხმად დაამტკიცა საქართველოს პრეზიდენტის ბრძანებულება.
    12:30 - სამხრეთ ოსეთში რუსებმა საპარაშუტო დესანტი გადმოსხეს
    სააკაშვილი, მხარეებს ცეცხლის შეწყვეტაზე მოუწოდებს.
  • Period: to

    13:41 - რუსეთის საჰაერო ძალებმა დაბომბეს კოდორის ხეობა. ლიტვის საგარეო საქმეთა მინისტრი პეტრას ვაიტიეკუნასი გორის რეგიონში ჩადის. ვაიტეკუნასის განცხადებით, ნგრევისა და მსხვერპლის რაოდენობა შოკის მომგვრელია

    "ამერიკის ხმა" საქართველოს ტერიტორიაზე მაუწყებლობას აორმაგებს.
    გაეროს უშიშროების საბჭომ ერთიანი გადაწყვეტილების მიღება ვერ შეძლო.
    კვლავ დაიბომბა ფოთი. საქართველო ერაყიდან ათასი სამხედრო მოსამსახურის უკან გამოწვევის გადაწყვეტლებას იღებს.
    კათოლიკოს-პატრიარქი ილია მეორე მსოფლიო თანამეგობრობას საქართველოში სიტუაციის მშვიდობიან გადაჭრაში დახმარებას სთხოვს. რუსეთის სამხედრო ავიაცია ლიახვის ხეობის ცხრავე სოფელს ბომბავს. არის მსხვეპლი. ხეობაში დარჩენილი მოსახლეობა შველას ითხოვს
  • Period: to

    საქართველოში ჩამოდიან საერთაშოროსო ორგანიზაციების დამკვირვებელთა ჯგუფები, საგარეო საქმეთა სამინისტრო აცხადებს, რომ რუსეთის აგრესია ე.წ. "ჰუმანიტარული დახმარების" და "მშვიდობისათვის იძულების ოპერაციის" საფარქვეშ მიმდინარეობს. ცხინვალში ბრძოლები მძაფრდება

    რუსეთის ავიაციამ ონის რაიონის სოფლები წედისი და ბარი დაბომბა. არიან დაღუპულები და დაჭრილები.
    ჯორჯ ბუშმა რუსეთს მოუწოდა, შეწყვიტოს საბრძოლო მოქმედებები. მსოფლიოს თითქმის ყველა სახელმწიფოს პირველი პირი აცხადებს, რომ ისინი მხარს უჭერენ საქართველოს ტერიტორიულ მთლიანობას.
    საქართველოს ჯანდაცვის სამინისტროს მონაცემებით, დაღუპულია 55 ადამიანი, მათ შორის 15 მშვიდობიანი მოქალაქე, 40 კი სამხედრო მოსამსახურე.
    რუსეთის ბომბდამშენებმა ბაქო-თბილისი_ჯეიჰანის საერთაშორისო ნავთობსადენზე იერიში მიიტანეს
  • Period: to

    წითელი ჯვრის წარმომადგენლები კონფლიქტის ზონაში დაჭრილების დასახმარებლად ვერ შედიან. რუსულმა ავიაციამ ზემო აფხაზეთის სოფლები ომარიშარა, საკენი, ქვაბჩარა და ჩხალთა დაბომბა. ქართულმა მხარემ როკის გვირაბზე იერიში მიიტანა

    10 აგვისტო - 6:20 - საქართველომ ცეცხლის შეწტყვეტა მოითხოვა და რუსეთს მოლაპარაკება შესთავაზა.
    ნიკოლა სარკოზიმ მიმდინარე მოვლენების დასარეგულირებლად შეიმუშავა გეგმა.
    პუტინი ჩრდ.ოსეთში ჩავიდა. მან საქართველოს ხელისუფლებას ცხინვალის რეგიონიდან სამხედრო ნაწილების გამოყვანა მოსთხოვა. იგი აცხადებს, რომ საქართველოს ქმედებები დანაშაულებრივია, რუსეთის ქმედებები კი - ლეგიტიმური.
    საქართველოს საჯარისო შენაერთები მთლიანად აკონტროლებენ ცხინვალს, მის ირგვლივ ყველა სტრატეგიულ სიმაღლეს
  • Period: to

    რუსული ავიაცია და არტილერია ცხივნალის დაბომბვას იწყებს. საქართველოს უშიშროების საბჭოს მდივანმა ალექსანდრე ლომაიამ ბრიფინგზე დაადასტურა, რომ რუსული არმიის უპრეცედენტო შეტევის შედეგად საქართველოს ჯარის ნაწილებმა ცხინვალის მისადგომებთან გადაინაცვლეს

    საქართველოს მთავრობამ აფხაზ ხალხს მიმართა ნუ აყვებიან რუსეთის პროვოკაციებს.
    10 აგვისტოს, ლომაია უარყოფს რუსული საინფორმაციო საშუალებებით გავრცელებულ ინფორმაციას იმის თაობაზე, თითქოს ცხინვალში შესულია რუსული მძიმე ტექნიკა.
    მისი განცხადებით, საქართველოს სამთავრობო შენაერთები ინარჩუნებენ ყველა იმ დასახლებულ პუნქტს, რომელშიც აღდგა ცენტრალური მთავრობის კონტროლი. ამასთან, მისი ინფორმაციით, ცხინვალის გარეუბანში არის მხოლოდ ერთი პოსტი, რომელიც ჯერჯერობით სეპარატისტების კონტროლის ქვეშ იმყოფება
  • Period: to

    ლომაიას ინფორმაციით, ცხინვალის გარეუბანში მხოლოდ ერთი პოსტია, რომელსაც სეპარატისტები აკონტროლებენ. მისი განცხადებით, სეპარატისტები გამაგრებული არინ ჯავაში, სადაც ასევე იმყოფებიან რუსული ქვედანაყოფები. ჯავაშივე აფარებენ თავს სეპარატისტების ლიდერები.

    კახა ლომაიას თქმით, დღეს ძალიან შემაშფოთებელი ფაქტი დაფიქსირდა, როდესაც რუსულმა სამხედრო თვითმფრინავებმა ქართული ქალაქების დაბომბვა განახორციელეს და ძალიან სახიფათო დისტანციაზე მოუახლოვდნენ სამოქალაქო თვითმფრინავებს, რაც რეისების შეფერხების მიზეზი გახდა.
    რაც შეეხება რუსეთთან საჰაერო მიმოსვლის შეწყვეტის შესაძლებლობას, კახა ლომაიას განცხადებით, რუსულმა მხარემ განაცხადა, რომ იგი ცალმხრივად შეწყვეტს საჰაერო მიმოსვლას საქართველოსთან
  • Period: to

    10 აგვისტო - იაკობაშვილი ბრიფინგზე აცხადებს, რომ „ქართული მხარე უკენ დახევას არ აპირებს“: - მისივე თქმით, პირველი ეს იყო სამხრეთ ოსეთის ბანდფორმირებებთან ბრძოლა, მეორე; -; ე.წ მოხალისეებთან, მესამე; -; რუსეთის რეგულარულ არმიასთან, რაც მოგერიებულია

    იაკობაშვილი - რუსებმა საქართველოში ყველა ძალა შემოიყვანეს, რაც გააჩნდათ, ტაქტიკური გადაადგილებაა საჭირო, მსხვერპლის თავიდან ასაცილებლად.
    ~ინფორმაციები იმასთან დაკავშირებით, რომ ქართული ჯარი უკან დახევას იწყებს, რეალობას არ შეესაბამება - იაკობაშვილი.
    ამასთან, მან აღნიშნა, რომ მიუხედავად ქართველების მოწოდებისა, აფხაზები რუსეთის პროვოკაციას წამოეგნენ და კოდორის ხეობაზე მიიტანეს შეტევა. ქართველებს არანაირი იერიშის არ ეშინიათ და ქართულ სამხედრო ძალებს შეუძლიათ დაიცვან კოდორის ხეობა
  • Period: to

    სერგეი ბაღაფში საყოველთაო მობილიზაციას აცხადებს. საკაშვილი აცხადებს, რომ აფხაზეთის სანაპიროზე რუსეთის ფლოტი იმყოფება. იმავე დღეს რუსებმა თბილისის საერთაშორისო აეროპორტი დაბომბეს. რუსებმა ამ განცხადებას საქართველოს „კიდევ ერთი დეზინფორმაცია" უწოდა

    22:00 - საქართველო დათანხმდა რუსეთის სამშვიდობოების შესვლას ზუგდიდში. მსოფლიოს ლიდერები რუსეთისგან ცეცხლის შეწყვეტას ითხოვენ. ევროპის ქვეყნებში, რუსეთის საელჩოების წინ, საპროტესტო აქიები იმართება. რუსეთის ავიაცია გორსა და მის მიმდებარე ტერიტორიებს ბომბავს. სააკაშვილის განკარგულებით, შეიარაღებული ჯარები სამხრეთ ოსეთში ცეცხლს შეწყვეტენ. რუსული ავიაცია საავიაციო ქარხნის "თბილავიამშენის" ტერიტორიას ბომბავს. ოფიციალური მონაცემებით, 94 ადამიანია დაღუპული, მათ შორის 47 სამხედრო და 47 სამოქალაქო პირია
  • Period: to

    11 აგვისტო - სერგეი ლავროვმა აშშ-ის სახელმწიფო მდივანთან, კონდოლიზა რაისთან სატელეფონო საუბარში ახსენა, რომ მიხეილ სააკაშვილი "უნდა წავიდეს". თბილისში ევროპის სახელმწიფოთა ლიდერები ჩამოდიან. ზემო აფხაზეთს კვლავ რუსეთის სამხედრო ავიაცია ბომბავს

    რუსულმა ავიაციამ თბილისა და მის შემოგარენზე საჰაერო შეტევა განახორციელა. სამხედრო ბაზა სენაკში რუსმა მედესანტეებმა დაიკავეს. ზუგდიდის პოლიცია რუსების ხელში გადავიდა. გენერალი ჩაბანი ქართულ მხარეს ულტიმატუმს უყენებს და იარაღის დაყრას მოითხოვს. რუსეთის თავდაცვის სამინისტრო ადასტურებს ცნობას ჩეჩნეთიდან სპეცბატალიონების გადმოყვანის შესახებ. საქართველოსა და რუსეთს შორის საფოსტო კავშირი შეწყდა. ქართული მხარე ჰუმანიტარული დერეფნის გაკეთებასთან დაკავშირებით რუსეთის თანხმობას უშედეგოდ ელის
  • Period: to

    ბერნარ კუშნერი თბილისში ჩამოდის. რუსეთში მცხოვრებ საქართველოს მოქალაქეებს აპატიმრებენ. ორი დღის განმავლობაში მოსკოვში ეთნიკური ნიშნით მოკლულია 7 ქართველი, 20 - გაუჩინარდა

    საქართველოს პრეზიდენტი და უცხოელი დიპლომატები გორიდან სასწრაფოდ გამოიყვანეს.
    პუტინი აცხადებს, რომ რუსეთი თავის სამშვიდობო მისიას ლოგიკურ დასასრულამდე მიიყვანს. რუსულმა ავიაციამ სოფელ ტყვიავზე მორიგი იერიში მიიტანა. სოფელი ხურჩა აფხაზებისა და რუსების შეიარაღებულმა ნაწილებმა დაიკავეს. სენაკის სამხედრო აეროპორტი და სამხედრო ბაზა იმობმება. საქართველოს პრეზიდენტმა მოსახლეობას "ხვალ, 15:00 საათზე პარლამენტთან" შეკრებისკენ მოუწოდა
  • Period: to

    12 აგვისტო - რუსეთმა ფოთის სანაპიროსთან ნაწილები გადმოსხა პორტის გარშემო 50 კმ-იანი ბუფერული ზონის შესაქმნელად. აშშ-ის პრეზიდენტი ჯორჯ ბუში კიდევ ერთ განცხადებას აკეთებს და მოითხოვს რუსეთმა გადადგას ნაბიჯები კრიზისის დასასრულებლად

    "დიდი შვიდეულის" ქვეყნების საგარეო საქმეთა მინისტრებმა რუსეთისგან მოითხოვეს დაუყოვნებლივ დათანხმდეს ცეცხლის შეწყვეტას. რუსებმა კოდორის მიმართულებით სამხედრო ოპერაცია დაიწყეს და ასევე, გორის რაიონის სოფელი თორტიზა დაბომბეს. კოდორის ხეობიდან მოსახლეობა მთლიანად გამოყვანილია. რუსულმა ავიაციამ თბილისის ზღვაზე იერიში მიიტანა.
    ლავროვმა საქართველოს ხელისუფლების შეცვლის შესახებ ღიად განაცხადა.
    მედვედევმა ქართულ-ოსური კონფლიქტის ზონაში "ძალით მშვიდობის დამყარების" ოპერაციის დასრულების შესახებ განაცხადა
  • Period: to

    გორის დაბომბვის შედეგად ექვსი ადამიანი დაიღუპა. რუსები სენაკში თავდაცვის სამინისტროს მე-2 ბრიგადის ბაზის ინფრასტრუქტურას ანადგურებენ. რუსეთის სამხედრო-საჰაერო ძალებმა შეტევა განახორციელეს ბაქო-თბილის-სუფსის ნავთობსადენზე

    პარლამეტის წინ შეკრებილ მოსახლეობას სააკაშვილმა განუცხადა, რომ საქართველო რუს სამშვიდობოებს ოკუპანტებად, ხოლო სამხრეთ ოსეთისა და აფხაზეთის ტერიტორიებს ოკუპირებულ ტერიტორიებად გამოაცხადებდა. მან ასევე გამოაცხადა, რომ საქართველო დამოუკიდებელ სახელმწიფოთა თანამეგობრობიდან გამოდიოდა.
    ზუგდიდში რუსმა სამხედროებმა ქართული სამშვიდობოების შტაბი და სხვა ადმინისტრაციული შენობები დაიკავეს.
    რუსეთისა და საფრანგეთის პრეზიდენტმა ჩიხიდან გამოსვლის 6-პუნქტიანი განცხადება შეიმუშავეს
  • Period: to

    საქართველომ ჰააგის საერთაშორისო სასამართლოში შეიტანა სარჩელი "საქართველო რუსეთის წინააღმდეგ". საქართველო რუსეთს ეთნიკურ წმენდაში ადანაშაულებს

    საქართველო რუსეთს ეთნიკურ წმენდაში ადანაშაულებსრუსული ავიაცია ქართული სოფლების დაბომბვას განაგრძობს
    საფრანგეთის პრეზიდენტი ნიკოლა სარკოზი მოსკოვიდან თბილისში ჩამოფრინდა. თბილისში იმყოფებიან ესტონეთის, პოლონეთის, ლიტვისა და უკრაინის პრეზიდენტები. ასევე ლატვიის პრემიერი-მინისტრი.
    დაღუპულია 175 ადამიანი. იაპ დე ჰოოპ სხეფერი აცხადებს, რომ მიუხედავად კონფლიქტისა საქართველო რჩება ნატოს კანდიდატი ქვეყანად
  • Period: to

    13 აგვისტო - დილით ადრე, ამერიკის შეერთებული შტატების პრეზიდენტი ჯორჯ ბუში, კონდოლიზა რაისთან და თავდაცვის მინისტრ გეიცთან ერთად რანჩოდან აკეთებს საგანგებო განცხადებას

    აშშ-ს პრეზიდენტი ბუში თავდაცვის მინისტრს საქართველოში ჰუმანიტარული ტვირთის შეტანას ავალებს. ბუში რუსეთს მოუწოდებს, ხელი არ შეუშალოს და აღნიშნული მოქმედებისთვის ღია იყოს ყველა სატრანსპორტო საშუალება - საზღვაო, საჰარო და სახმელეთო.
    საქართველოში სამდღიანი გლოვა გამოცხადდა.
    რუსებმა გორში მოროდიორობა დაიწყეს.მათ ფოთი დატოვეს, მაგრამ გორთან დასავლეთისკენ მიმავალი გზა გადაკეტეს. გორი კვლავ დაიბომბა. თბილისისკენ მომავალმა რუსულმა ტანკებმა უფლისციხის მიმართულებით გადაუხვიეს. რუსები მესტიაში შევიდნენ.
  • Period: to

    14 აგვისტო - რუსი ოკუპანტები მესტიის რაიონს ტოვებენ. თბილისში ცხინვალის რეგიონიდან 28 ათასი დევნილია, რომლებიც 268 ობიექტშია გადანაწილებულნი

    15 აგვისტო - რუსმა ოკუპანტებმა მდინარე ცხენისწყლის საავტომობილო ხიდი გადაკეტეს. პატრიაქრი გორში შევიდა. კონდოლიზა რაისი თბილისშია. საქართველოს პრეზიდენტი ხელს აწერს ცეცხლის შეწყვეტის გეგმას.რუსეთის სამხედრო ვერტმფრენებმა ბორჯომისა და ცემის მიმდებარე ტერიტორია დაბომბეს.
    16 აგვისტო - მსოფლიოს სხვადასხვა ქალაქში რუსული აგრესიის საწინააღმდეგოდ ფართომასშტაბიანი აქციები იმართება. რუსმა ოკუპანტებმა გალიდან ზუგდიდში დამატებით 50 ერთეული ტანკი შეიყვანეს. რუსრუსი სამხედროები კვლავ გორში რჩებიან.
  • Period: to

    26 აგვისტოს - რუსეთის მაშინდელმა პრეზიდენტმა, დიმიტრი მედვედევმა ე.წ. აფხაზეთისა და ე.წ. სამხრეთ ოსეთის დამოუკიდებლობის აღიარების ბრძანება გამოსცა

    აფხაზეთისა და ცხინვალის რეგიონის დამოუკიდებლობა ხუთმა სახელმწიფომ - ვენესუალა, ნიკარაგუა, ნაურუ, ტუვალუ და ვანუატუ აღიარა, თუმცა მოგვიანებით ვანუატუმ და ტუვალუმ აღიარება უკან წაიღეს.
    ოფიციალური მონაცემებით, 2008 წლის რუსეთ-საქართველოს ომში, საქართველოს 228 მშვიდობიანი მოქალაქე, 14 პოლიციელი და 3 ჟურნალისტი დაიღუპა, დაიჭრა 1 747. დაღუპულად მიიჩნევა 169 სამხედრო მოსამსახურე, აქედან ხუთი უგზო-უკვლოდ დაკარგულია, სახლები დატოვა 150 000-მა ადამიანმა.
    ოკუპირებულია საქართველოს ტერიტორიის 20 პროცენტი