Стужка часу Ільянскай сярэдняй школы імя А.А.Грымаця Вілейскага раёна
-
Першыя звесткі аб школе
Трохкласнае народнае вучылішча было адкрыта ў вёсцы Ілья да 1860 года. Навучаў дзяцей у трох класах адзін настаўнік. -
Царкоўна-прыходская школа
У канцы 19 ст. у в. Ілья была адкрыта царкоўна-прыходская школа. Загадчыкам царкоўна-прыходскай школы быў бацюшка. -
Польская сямігодка
Пазней, калі Заходняя Беларусь, у тым ліку і в. Ілья, увайшлі ў склад буржуазна-памешчыцкай Польшчы, ў в. Ілья была адкрыта пачатковая школа, а потым да 1939 года – сямігодка. Выкладанне вялося на польскай мове, размаўляць на беларускай мове забаранялася. -
Беларускамоўная школа
З верасня 1939 года Заходняя Беларусь была вызвалена ад польскіх памешчыкаў і капіталістаў. У в.Ілья была ўпершыню адкрыта сямігадовая школа, у якой навучанне пачалі весці на роднай беларускай мове. -
Нямецкая акупацыя
29 чэрвеня 1941 года немцы захапілі Ілью. Будынак школы (яшчэ толькі дабудоўваўся) занялі фашысты. Там размясцілася паліцэйская жандармерыя, гестапа. На першым паверсе, як у бункеры, стаяў танк. Школьныя класы былі ў розных будынках. -
1948-1949 навучальны год
Гэты навучальны год пачаўся з таго, што ў школу былі прысланы новыя маладыя настаўнікі. Школьнікі і настаўнікі ў гэтым годзе прадаўжалі добраўпарадкаванне разбуранага фашыстамі будынка школы. -
1949-1950 навучальны год
Навучанне ў старэйшых класах было платнае, 150 руб. у год. -
1950-1951 навучальны год
Закончылі школу 25 вучняў. -
1951-1952 навучальны год
У гэтым годзе працавала 26 настўнікаў. -
1952-1953 навучальны год
Гэты навучальны год праходзіў пад знакам падрыхтоўкі да 35-годдзя Вялікай Кастрычніцкай рэвалюцыі. 18 вучням школы была аб’яўлена падзяка. Па-ранейшаму за навучанне плацілі 75 рублёў за паўгоддзе. -
Новая школа
Школа пераехала ў новы будынак. -
2003-2004 навучальны год
Школе прысвоена імя акадэміка, прафесара БДПУ імя М.Танка А.А.Грымаця.